Bonghjornu, simu a scola di quinta bislingua di u culleghju di Calvi è v’avemu da prisintà a nostra surtita di a matina di u 31 di marzu.
Simu partuti à 8 ore è mezu di u culleghju. Avemu pigliatu u carru per andà in Luzzipeu. Stu locu principalamente agriculu si trove trà Galeria è Calvi.
Avemu scuntratu un caparaghju chjamatu Ghjuvan Cristofanu Savelli chì era assai « sympa » !
A scola hè stata divisa in gruppi. Certi gruppi punianu quistione à « Cricri » è un altru visitava u casgile.
In u casgile, avemu vistu a priparazione di u brocciu in una pignata è i casgi freschi in e casgiaghje cù Jean-Michel. Da i casgi, sgotta u seru è cù stu seru, si pò fà u brocciu. D’altronde, cù u seru, avemu fattu attività scentifiche chì Madama Le Gleut ci hà datu.
Da luntanu, avemu vistu e capre (Eranu magnifiche : « Mèèèèèèè !!! »).
Avemu tastatu u brocciu = era bunissimu !
Ùn vuliamu micca parte ma simu stati ubligati….
À ringrazià Mr Savelli, Jean Michel, Mma Le Gleut et Mma Fondacci !
Lena, Noël, Ezio, Lulina, Santu, Raphaël, Nunzio, Antoine
Madama FONDACCI Professore di Lingua è Cultura Corsa
